ماذا تفعل لو كنت مكانى؟
ماذا تفعل لو كنت مكانى ؟
أسمحولى اتكلم بالهجه المصريه لانى بتكلم بصفتى ست مصريه
انا خريجه جامعه اول لما أتخرجت فكرت اتجوز الأول ولا أشتغل الأول
لو أتجوزت الأول هيقولوا حرام السنين التى قضيتها فى التعليم تروح فى تقميع الباميه والدوله صرفت عليك علشان تقعدى فى البيت ترغى مع الجيران وأهلك صرفوا عليك علشان تكونى أنسانه لها كيان فى المجتمع تفيد نفسها وغيرها ولو أشتغلت الأول هيقولوا بيزجموا الشباب فى الوظايف وفى المواصلات وشغلهم بايظ ومش لقين أزواج يلموهم فى البيت وجتى لو وحده فى اوائل العشرينات تبقى عنست وبتشتعل علشان تشوف عريس
قلت أتجوز الأول وبعدين أشتغل أتجوزت وخلفت أبنى الأول طبعا كان الولد محتاج رعايه وأهتمام قلت أستنى لما يكبر قالوا لى أبنك مسكين وحيد جيبى له أخ أو أخت علشان صحته النفسيه انت واحده متعلمه عيب جبت أبنى الثانى وتكررت نفس الحكايه قلت مش مشكله وأستنى شويه كمان المهم لما أبنى الصعير دخل المدرسه وقلت أشتغل لقيتنى محتاره لو حاولت أشتغل فى الحكومه – لو لقيت فيها شغل – هصرف مواصلات وملابس ومصروفات الضروريه أكثر من رتبى ولو أشتغلت فى القطاع الخاص هشتعل الى الخامسه او السادسه يعنى أولادى هيقعدوا فى البيت وحدهم بلا رعايه وطبعا ده منتهى الخطوره وهم صغار ولو قلت أنس الشغل وأقعد فى البيت قالوا زوجك يعمل النهار والليل ساعديه انتى متعلمه وعارفه الغلاء والأسعار والمرأه الغربيه ودورها فى تنميه بلادها ودى رده حضاريه طيب أعمل أيه ؟ وبعدين المرأه الغريبه بتشتغل وهى مطمئنه لان فيه اماكن لرعايه أبنائها مناسبه لدخلها والمواصلات سهله يعنى مبتضيعش وقتها فى الطريق ورتبها يكفى لأحتياجتها الأساسيه أنا ظروفى مختلفه يترى انا غلطانه ولا ايه .